دەزگای خێرخوازی بارزانی پڕۆژەیەك لە نەخۆشخانەی ئاشتی سۆران جێیبەجێ‌ دەكات

دەزگای خێرخوازی بارزانی پڕۆژەیەك لە نەخۆشخانەی ئاشتی سۆران جێیبەجێ‌ دەكات

زاری كرمانجی-سۆران:
دەزگای خێرخوازی بارزانی پڕۆژەیەكی تایبەت بە شوێنی پێشوازی و چاوەڕوانی نۆرەی نەخۆشەكان بەگوژمەی 85 ملیۆن و 33 هەزار دینار، لەنەخۆشخانەی ئاشتی گشتی سۆران جێبەجێ‌ دەكات.
لەمبارەوە نێچیروان عبدالواحد، بەرپرسی ئۆفیسی سۆرانی دەزگای خێرخوازی بارزانی، بە زاری كرمانجی گووت : "دوای بە سیستەم كردنی بەشەكانی نەخوشخانەی ئاشتی گشتی سۆران، لە ژێر  چاودێری هەڵگورد شێخ نەجیب سەرپەرشتیاری ئیدارەی سەربەخۆی سۆران و بە هەماهەنگی لەگەڵ بەڕێوەبەرو كارمەندانی نەخۆشخانە، لەلایەن دەزگای خێرخوازی بارزانی زیاتر لە  85 ملیۆن و 33 هەزار دینار تەرخانكراوەو دەست كراوە بە دروستكردنی شوێنێكی تایبەت، بۆ دانیشتن و شوێنی چاوەڕوانی نۆرەی نەخۆش لە نەخۆشخانەی گشتی ئاشتی".
ئاماژەی بەوەشكرد: "دەزگای خێرخوازی بارزانی رۆڵێكی بەرچاوی هەبووە لەرووی پێشكەشكردنی خزمەتگوزاری و هاوكاری كردنی لێقەوماوان و كەمدەرامەتان و ئاوارەو خاوەن پێداویستییە تایبەتەكان و چین و توێژەكان بە گشتی لە سنووری ئیدارەی سەربەخۆی سۆران.

زۆرترین بینراو