مێژووی زریمۆك بۆ ئایینەكانی پێش ئیسلام دەگەڕێتەوە

مێژووی زریمۆك بۆ ئایینەكانی پێش ئیسلام دەگەڕێتەوە


رەمەزان زەكەریا – بلێ :

 شوێنەواری زریمۆك دەكەوێتە سنووری شارۆچكەی بلێ لە دەڤەری بارزان، یەكێكە لەو شوێنەوارنەی رێزبەندی شوێنەوارەكانی بەڕێوەبەرایەتی شوێنەواری سۆران تۆماركراوەو بەپێی سەرچاوە مێژوویەكان شوێنەكە تایبەت بووە بەدانان و شوشتنی تەرمی مردووەكان. 
حازم محەمەد بلەیی، نووسەری چەند بەرهەمێكی مێژوویی و ئەدەبییە، بە زاری كرمانجی راگەیاند : " شوێنەواری زریمۆك بەپێی قسەكانی شوێنەوارناس عەبدوڵخالق سەرسام، كە ساڵانی 1958 بۆ 1967 لە بلێ ژیاوە، ئەو شوێنەوارە شوێنێكی فراوان و سەرەنج راكێشە، هەروەها لە خوارەوەی زریمۆك، شوێنێك هەیە بە (بەردی مەیتان) ناسراوە، بەو پێیەی نزیكە لە رووبارو ئەو كەسانەی لە زێی گەورەدا دەخنكان، لەو شوێنە بەدەردەكەوتن، بەپێی لێكوڵینەوەكانی سەرسام زریمۆك دوخمەی زەردەشتیان لە پێشا پێان دەوت خامۆش واتە گوندی بێدەنگەكان.
  گوتیشی : "شوێنەواری زریمۆك هەمووی وەك جۆگەڵە لێكراوە، بۆ دانانی تەرمی مردووان، لە نێوان شوێنی مردووان ئاوەڕۆ هەبووە، تا ئاویان تێكەڵی یەكتر نەبێت، بەهۆی ئەوەی لە ئایینی زەردەشتدا، ئەگەر كەسێك لە زەویەكدا بمردبایە بۆ ماوەی دوو ساڵ نەی دەكێلا، بۆیە ئەو جوگانە دروستكراون لە نێوان شوێنە هەڵكنەدراوەكان.
زیاتر گووتی : "لە دەووری زریمۆك واتە لە ناوەڕاستی شوێنێكی قوڵ هەیە، بۆ كۆگا كردنی ئاو دوای شۆردنی مردووەكان ئاو لەوێ كۆدەبووەوە، لە ئایینی زەردەشتی تا مردنیش رێزی پێاو زیاتر گیراوە لە رێزی سەرەوە دانراوە شوێنی فراوانترە دواتر شوێنی ئافرەتان، دواتر شوێنی منداڵان دێت، ئەمانە هەمووی دەرخەری ئەوەن كە زریمۆك شوێنەوارێكی ئاینی زەردەشتییەكانە.
 سۆران ئەمیر، بەڕێوەبەری فەرمانگەی شوێنەوار مێرگەسۆر، بە زاری كرمانجی راگەیاند : "زریمۆك یەكێكە لەو شوێنەوارانەی لە رێزبەندی شوێنەوارەكانی بەڕێوەبەرایەتی شوێنەواری سۆران تۆماركراوە، لەساڵی 2009 كە دەكەوێتە شارۆچكەی بلێ لە ناحیەی بارزان سنووری قەزای مێرگەسۆر، تا ئێستا یەكلایی نەبووتەوە مێژوویەكەی بۆ كەی دەگەڕێتەوە، بەهۆی ئەوەی ئەو شوێنانەی هەڵكەندن بۆیان كراوە، ئەو شوێنە كەی دروستكراوە، چونكە بەشێوەی لاكێشەیی هەڵكەندراون و نووسینی لەسەر نییە تا زانیاری لەسەر ئاشكرا بكرێت، هەروەها دۆزینەوەی مێژووی شوێنەوارەكان ئەركێكی قورسە لە هەموو عێراق، بەهۆی ئەوەی تاقیكردنەوەی هونەری دۆزینەوەی مێژووی سەر بەرد نییە زۆر شوێن هەیە مێژووی دروستی دیارنییە بەتایبەتی ئەو شوێنانەی كە نووسینی لەسەر نییە‌.
ئەوەشی خستەڕوو: " ئەوەی مەزەندە دەكرێت، دوو بۆچوونی زۆر گرنگ هەیە، كە زریمۆك لەسەر رووبارە و لە ئاو نزیكە بەهۆی ئەو ئایینانەی لە كوردستان هەبوونە، پێدەچێت پێش ئیسلام، بۆ جێەجێكردنی رێورەسمی ئایینی ئەو شوێنە دروستكراون بۆ كارو باری ئایینی بەتایبەت لە شوێنە بەرزەكان.
ئاماژەی بەوەشدا : "لەساڵی 2010 لەگەڵ تیمێكی زانكۆی ئەڵمانی بەسەرۆكایەتی "مارگرێت ڤانێس" سەردانی ئەو شوێنەمان كرد، ئەو تیمە پێی وابوو ئەو شوێنە بەكارهاتبێت بردرابێت بۆ دروستكردنی قەڵاو پەرستگا بەهۆی رویپێوی سنووری قەزای مێرگەسۆر، وەك باڵەخانە پەرسگە بەردەكان ئەوەن لە شوێنەواری زریمۆك هەن، لەو قەڵاو پەرسگاو شوێنەوارنەی تر هەیە، بۆیە ئەو بۆچوونە راستە بەردی زریمۆك بەهۆی بەهێزی بۆ باڵەخانە بەكارهێنراون.
ئاشكراشی كرد: "ناوی زریمۆك شوێنەواری شوێنەكەیە، وشەی زریمۆك بەپێی ئێستای زمانی كوردی قسەی پێ دەكەن ناتوانین لێكدانەوەی زمانەوانی بۆی بكەین، ئایا  ناوەكە چیەو لە چییەوە هاتووە.

 

زۆرترین بینراو