زمانی كوردی بە فەرمی بۆ وەرگێڕی گووگڵ زیاد دەكرێت

زمانی كوردی بە فەرمی بۆ وەرگێڕی گووگڵ زیاد دەكرێت

مەهدی محەممەد – رواندز :
بۆكان جاف، بەڕێوەبەر و دامەزرێنەری گووگڵ كراودسۆرس لە هەرێمی كوردستان و عێراق، تایبەت بە زاری كرمانجی راگەیاند"دوای 7 ساڵ كاركردن بۆ زیادكردنی زمانی كوردی سۆرانی لە بەشی وەرگێڕانی زمانەكانی كۆمپانیای گووگڵ، ئەمڕۆ سەر لە ئێوارە لە كۆنگرەی ساڵانەی گووگڵ، كۆمپانیای گووگڵ بیست و چوار زمانی بە رەسمی ناساند بۆ ئەوەی بۆ وەرگێڕی گووگڵ زیاد بكرێت، لە نێوانیاندا زمانی كوردی سۆرانیشی تێدایە".
بۆكان حەسەن ئەحمەد ی 31 ساڵ، خاوەنی بڕوانامەی بەكالۆریۆس لە زمانی ئینگلیزیی هەیە و پێشتر لە دیمانەیەكی تایبەتی زاری كرمانجی، وردەكاری هەوڵ و كۆششی چەند ساڵەی خۆی لە پێناو ناساندن و بەرزكردنەوەی زمانی كوردی و زیادكردنی زارەوەی سۆرانی لە بەشی وەرگێڕانی كۆمپانیای گووگڵ خستەروو، ئەم پرۆژە نیشتمانەیە كە بە هەزاران كوردی سۆرانی چاوەڕێیان دەكرد، هەر وەكو بۆكان باسی دەكات لە ماوەیەكی نزیكدا ئەو خزمەتگوزارییە لە بەشی وەرگێڕانی گووگڵ زیاد دەبێت.

زۆرترین بینراو