جنێو چیە؟ بۆچی مرۆڤەكان جنێو دەدەن

لیا سەیفەدین

جنێودان هەڵچوون و گرێی دەرونیەو هیچ باگراوەندێكی رۆشنبیری نیەو دەبێتە هۆی لەدەسدانی كۆنترۆڵ و برینداركرنی بەرامبەر.
جنێوفرۆش یاخوود دەم پیس بە بڕوای خۆی رەخنە لە بەرامبەرەكەی دەگرێت لە ئەنجامی هەڵسوكەوتێك كە بەلایەوە پەسەندنیە.
هۆكار جنێودان: مرۆڤ شێوازێكی باشتری نیە بۆ دەربڕینی ناڕەزایەكانی یاخوود رێگایەكی تری نیە بۆ كپكردنەوەی توڕەی و هەڵچوونە دەرونیەكانی یاخوود خۆی بەوشێوازە دەربڕینە ناشرینەوە گرتوە و ناتوانێت خۆی كۆنتڕۆڵ بكات.
هەركەسێك لە هەر پلەو پایەكی زانستی كۆمەڵایەتیی و سیاسی و ئاینی بێت لە وەڵامدانەوە ناكاملەو ناتوانێت وەك خۆی بەڵگە بهێنێت ئەوا تووشی گرێی دەروونی دەبێت بۆ كردنەوەی ئەم گرێیە دەروونیە و بەتاڵكردنەوەی هەڵچوونی نەرینی جنێو بە كاردەهێنێت.
جنێودان لەكۆمەڵگادا ئێستا بووە بە مۆدێل و بە جۆرێك كاریگەری زۆری لەسەر پەروەدەی خێزان دروستكردووە.
جنێودان بە حكوومەت بە هونەرمەند بە مۆدێل بەمامۆستا بە سیاسیەكان .......
مرۆڤ كاتێك جنێو دەدات وادەزانێت هێز و دەسەڵاتی هەیە، بەڵام بە پێچەوانەوە بەتاڵكرنەوەی دەروونە كاتێك هەستدەكەیت دەسەڵاتت بەسەر شتێكدانیە پەنا دەبەیتە بەر جنێو، مرۆڤ لە رێگەی جنێودان لە سۆشیال میدیا رۆژانە بە ملیۆنان دینار دەچێتە حسابەكەیان و هەندێ جار خەڵات دەكرێن, ئەم دیاردە قێزەونە دەبێتە هۆی تێكدانی شیرازەی كۆمەڵگا، جا ئەم دیاردەی جنێودانە بەشێوازێكی گاڵتە ئامێز بێت یاخوود هەڵچوونی دەروونی بێت یاخوود لەژێر ناوی هونەر و هەر شتێكی تردابێت ئەمە كاریگەری لە سەر تاك و نەوەكانی تر دەبێت، دەبێتە خوێكی هەمیشەی مرۆڤ و لە ئەنجامدا تاك كەسایەتی لەدەس دەدات و ناوی بە دەمپیس دەزڕێت و رێزی لە ناو كۆمەڵگادا نامێنێت، هەندێ جاریش دەبێتە هۆی شەڕ و دەمەقاڵەو هەندێكجار پچرانی پەیوەندییە خێزانییەكان.

چی بكەین بۆ ئەوەی لە دیاردەی جنێودان بەدوور بین و خێزان و نەوەكانی داهاتوو لەم دیاردە قێزەونە بپارێزین.
گرنگە مرۆڤ بەرامبەرەكەی قبوڵ بێت بە هەموو جیاوازیەكانی و هەستیار نەبێت بەرامبەر هەموو را جیاوازەكان چوونكە ئەمە وادەكات كۆنترۆڵ لەدەس بدەیت و دووچاری جنێودان بیتەوە بەبەرامبەرەكەت.
دەبێت فێری شێوازی رەخنەگرتن ببین بە شێوازێكی ئەكادیمی و زانستی، بە پێچەوانەوە قبووڵكردنی رەخنە و دووركەوتنەوە لە هەڵچوونی دەروونی و
دووركەوتنەوە لە هەموو ئەو سایت و پەیجانەی كە بەشێوازێكی گاڵتە ئامێز جنێو دەدەن.

زۆرترین بینراو