Share on facebook
پڕۆژەی ڕوناككردنەوەی شەقامی دووسایدی چۆمان، جێبەجێ‌ دەكرێت
پێنج شەممە, 09 ئایار 2019 11:23

زاری كرمانجی-چۆمان: قایمقامی چۆمان ئاشكرای دەكات، كە وەزارەتی دارایی و ئابووری ڕەزامەندی دانانەوەی تۆڕی ڕوناكی دووسایدی شارۆچكەی چۆمانی دەربڕیووە.

ئەحمەد قادرەسۆر، قایمقانی چۆمان، بە زاری كرمانجی راگەیاند "پڕۆژەی ڕوناككردنەوەی شەقامی دووسایدی سەنتەری شارۆچكەی چۆمان، بەهۆی ناڕێك بوونی ستوونەكان لەهەردوو لێواری شەقام و تێكچونی پڕۆژەكە، بەمەبەستی نوێكردنەوەو دیزاین كردنی پڕۆژەكە بەشێوازێكی نوێ، دوای بەدواداچوونمان و هەوڵ و ماندوو بوون و هاوكارمان دكتۆر فرسەت سۆفی، خۆشبەختانە لە ئێستادا وەزارەتی دارایی و ئابووری ڕەزامەندی دانانەوەی تۆڕی ڕوناكی چۆمانی دەربڕیووە، بە تەرخانكردنی گوژمەیەك".

قایمقانی چۆمان، گوژمەی پڕۆژەكەی ئاشكرا كردوو، گووتی "بۆ پڕۆژەی ڕوناككردنەوەی شەقامی دووسایدی سەنتەری شارۆچكەی چۆمان، بری (154) ملیۆن و 19 هەزار 640 دینار، تەرخانكراوەو لەئایندەدا كاری لەسەر دەكرێت.