Share on facebook
پەروەردەی سۆران رێز لە كچە قوتابیەك دەگرێت
پێنج شەممە, 09 ئایار 2019 11:44

زاری كرمانجی-سۆران: دوای ئەوەی كچە قوتابیەكی قوتابخانەی ئامادەی گولی زەردی زانستی كچان، توانی لە پێشبڕكێی زانستی بیركاری دەزگای روانگە پلەیی سێیەم بەدەستبێنی رێزی لێگرا.

م.عەزیز سەعید، بەڕێوەبەری پەروەردەی سۆران، رایگەیاند "ئەمڕۆ پێنج شەممە 9-5-2019 لەدیوانی پەروەردەی سۆران، بە ئامادەبوونی كرمانج عزەت قایمقامی سۆران، ژمارەیەك لە سەرپەرشیارو مامۆستایان و قەشە یەترون قەشەی كلێسای دیانا، بەرپرسی لیژنەی ناوچەی هندرێن و ستافی كارگێری قوتابخانەی ئامادەی گولی زەردی زانستی كچان، لە مەڕاسیمێكی شایستەدا رێز لێنان بەخشرایە قوتابی "نوا هێمن عه‌لی" قوتابی لەقوتابخانەی ئامادەیی گولی زەردی زانستی كچان".

ئاماژەشی بەوەدا: "ئەم كچە قوتابیە لەماوەی رابردوودا بەشداری لە پێشبڕكێی زانستی بیركاری كە دەزگای روانگە كردبوو  توانی پلەی سێیەمی لەسەر ئاستی پارێزگای هەولێری بەدەست بهێنێت، بۆیە وەك هاندانێك رێزلێنانمان پێبەخشی.